पत्रकारिताको माध्यमबाट समाजमा पुर्याएको योगदानको कदर गर्दै कान्तिपुर टेलिभिजनका वीरगञ्ज सहकर्मी पँकज श्रेष्ठ पुरस्कृत भएका छन ।
कान्तिपुर टेलिभिजनमा आबद्ध भई समाचारको माध्यमबाट पर्साको समाज परिवर्तनमा बिगत दुई दशकदेखि पुर्याएको यागदानको कदर गर्दै उनलाई स्वर्गिय गोपाल स्मृति कृयाशिल पत्रकारिता पुरस्कारबाट पुरस्कृत गरिएको हो । नेपाल पत्रकार महासँघ पर्साले आयोजना गरेको पुरस्कार बितरण कार्यक्रममा कान्तिपुर टेलिभिजनकर्मी श्रेष्ठलाई मधेश प्रदेशका भूमी व्यवस्था, कृषि तथा सहकारी मन्त्री जनार्दन सिँह क्षेत्रीले पुरस्कार तथा सम्मान बितरण गरेका हुन् । पर्साको पत्रकारितामा श्रेष्ठले पुर्याएको योगदानको प्रशँसा गर्दै आयोजक पत्रकार महासँघ पर्साले उनलाई ५१ हजार रुपैया नगद पुरस्कार सहित कदरपत्रबाट सम्मान गरेको हो । राजनीति, पत्रकारिता र समाजसेवाको क्षेत्रमा जुझारु वीरगञ्जका गोपाल गिरीलाई २०६० साल माघ १ गते तत्कालिन माओवादीले हत्या गरेपछि उनको स्मृतिमा पत्रकार महासँघ पर्साले हरेक वर्ष एक जना पत्रकारलाई सम्मान गर्दैआएको छ ।