सान्दर्भिक मिडिया नेटवर्क प्रा.लि.को बैंक खाताबाट रु.पचास हजार रुपैयाँ प्रभाव दैनिक प्रा.लि.का बजार प्रबन्धक सन्तोषराज खरेल समेतले भुक्तानी लिएको समेत देखिएको पाइएको छ। प्रेस काउन्सिल नेपाल तथा प्रभाव पब्लिकेसन प्रा.लि.को प्राप्त पत्रबाट प्रभाव दैनिक पत्रिकाको मिति २०७९ फागुन २१ गते आईतबारको सक्कल प्रतिको कुनै पनि पृष्ठमा खानेपानी तथा सरसफाई डिभिजन कार्यालय डिभिजन नं. ४ कलैया, बाराको २३ वटा ठेक्काको बोलपत्रको सूचना प्रकाशित भएको नदेखिएको भनी उल्लेख रहेको छ।

उनिहरुले गरेको उक्त कार्य भ्रष्टाचार निवारण ऐन, २०५९ को दफा ८ को उपदफा (१) को देहाय (ङ) बमोजिमको कसूर भएकोले निज प्रतिवादीहरुमध्ये डिभिजन बाराका तत्कालीन निमित्त डिभिजन प्रमुख किशोरी प्रसाद यादव र लेखापाल प्रदिप दासलाई  तीन लाख सोह्र हजार पाँच सय सत्तरी रुपैयाँ (अग्रीम कर बाहेक) बिगो कायम गरि सोही ऐनको दफा ८ को उपदफा (१) बमोजिम कैद र बिगो बमोजिम जरिवाना सजाय गरी बिगो असूल उपर हुन मागदाबी गरिएको छ।

सान्दर्भिक मिडिया नेटवर्क प्रा.लि. तथा उक्त कम्पनीको प्रबन्धक निसान्त सिग्देललाई भने भ्रष्टाचार निवारण ऐन, २०५९ को दफा ८ को उपदफा (१) को देहाय (ङ) बमोजिमको कसूरजन्य कार्यको मतियार भई सोही ऐनको दफा २२ बमोजिमको कसूर गरेको आरोपमा तीन लाख १६ हजार पांच सय ७० रुपैयाँको बिगो मागदाबी गरिएको विशेष अदालतमा जाहेर गरिएको आरोपपत्रमा उल्लेख गरिएको छ।

मुख्य कसूरदारहरूलाई भ्रष्टाचार निवारण ऐन, २०५९ को दफा ८ को उपदफा (१) बमोजिम हुने सजायलाई आधार मानी सोही ऐनको दफा २२ को प्रतिवन्धात्मक वाक्यांश बमोजिम मुख्य कसूरदार सरह सजाय गरी विगो रु. तीन लाख १६ हजार पाँच सय ७० रुपैयाँ असूल उपर हुनसमेत मागदाबी लिइएको छ।

प्रभाव पब्लिकेशन प्रा.लि.को बजार प्रबन्धक सन्तोषराज खरेललाई  भ्रष्टाचार निवारण ऐन, २०५९ को दफा ८ को उपदफा (१) को देहाय (ङ) बमोजिमको कसूरजन्य कार्यको मतियार भई सोही ऐनको दफा २२ बमोजिमको कसूर गरेको भन्दै  भ्रष्टाचार निवारण ऐन, २०५९ को दफा ८ को उपदफा (१) बमोजिम मुख्य कसुरदारहारुलाई हुने सजायको आधारमा सोही ऐनको दफा २२ को प्रतिवन्धात्मक वाक्यांश बमोजिम मुख्य कसूरदार सरह सजाय गर्न माग गरिएको छ । निजसङ्ग तीन लाख १६ हजार पाँच सय ७९ रुपैयाँ असूल उपर हुने मागदाबी आरोपपत्रमा गरिएको छ ।